Տվյալների ջնջում

Ինչ տվյալներ ենք պահում

Autosalon.am-ը նոր ավտոմեքենաների հարթակ է․ մենք մեքենա չենք վաճառում, այլ Ձեր հայտը փոխանցում ենք գործընկեր ավտոսրահներին։ Ձեր մասին մենք կարող ենք պահել․

Հայտեր՝ անուն, ազգանուն, հեռախոսահամար, էլ. փոստ (եթե նշել եք), ընտրած մեքենան կամ որոնման չափանիշները, մեկնաբանությունը, Ձեր հին մեքենայի տվյալներն ու լուսանկարները (եթե նշել եք), ավտոսրահների առաջարկները, Ձեր ընտրությունը և համաձայնության գրառումները։
WhatsApp զրույցներ՝ Ձեր WhatsApp համարը, Հենրի խորհրդատուի հետ նամակագրությունը և մեր ուղարկած հաղորդագրությունները։
Հայտի նախագծեր՝ WhatsApp զրույցում դեռ չհաստատված հայտի պատասխանները (անուն, մեքենա, գույներ, հասանելիություն)։ Չհաստատված նախագիծն ինքնաբերաբար ջնջվում է 30 օր անց։
Տեխնիկական տվյալներ՝ IP հասցե, բրաուզերի տվյալներ և այցի էջը՝ միայն հայտն ուղարկելու պահին։

Ինչպես խնդրել տվյալների ջնջումը

Ջնջման հարցումն ընդունվում է միայն էլ. փոստով․ նամակը կարդում է մեր աշխատակիցը։ WhatsApp զրույցում AI խորհրդատուն տվյալներ ջնջել չի կարող։ Գրեք այն էլ. հասցեից, որով հայտն ուղարկել եք, կամ նամակում նշեք հայտի հեռախոսահամարը, որպեսզի կարողանանք հաստատել, որ հարցումը Ձերն է։

Էլ. փոստով՝ info@autosalon.am, թեմա՝ «Տվյալների ջնջում»։ Նշեք հայտի համարը (LD-…) և հեռախոսահամարը, եթե գիտեք։

Ինչ ենք անում և որքան ժամանակում

Հարցումը հաստատում ենք 3 աշխատանքային օրվա ընթացքում։
Տվյալները ջնջում ենք հարցումից հետո առավելագույնը 30 օրվա ընթացքում և այդ մասին տեղեկացնում ենք պատասխան նամակով։
Ջնջվում են հայտերը, WhatsApp զրույցները, նախագծերը և Ձեր կոնտակտային տվյալները։ Պահպանվում են միայն այն գրառումները, որոնց պահպանումը պահանջում է ՀՀ օրենսդրությունը (օրինակ՝ համաձայնության փաստը՝ առանց կոնտակտային տվյալների)։
Եթե Ձեր համաձայնությամբ կոնտակտն արդեն փոխանցվել է ավտոսրահին, հարցումը փոխանցում ենք նաև նրան․ ավտոսրահը Ձեր տվյալները մշակում է որպես առանձին պատասխանատու։

Facebook և Instagram

Եթե Autosalon.am-ին դիմել եք Facebook-ի կամ Instagram-ի միջոցով (Messenger, գովազդային ձև), մենք պահում ենք միայն վերը նշված տվյալները․ Ձեր սոցիալական հաշվի տվյալներին մուտք չունենք։ Ջնջման հարցումը նույն ձևով է՝ էլ. փոստով։

Մանրամասները՝ Գաղտնիության քաղաքականություն։